Reglugerð sjúkrasjóða LFÍ

1. grein.

Sjóðurinn heitir Sjúkrasjóður Lyfjafræðingafélags Íslands. Heimili hans og varnarþing er að Safnatröð 3, Seltjarnarnesi.

2. grein.

Sjóðfélagar eru aðeins félagar í LFÍ, samkvæmt skilgreiningu í verklagsreglum. Úthlutun úr sjóðnum og nánari framkvæmd reglugerðar þessarar skal vera samkvæmt verklagsreglum sem stjórn sjúkrasjóðs LFÍ setur og skulu þær birtar á heimasíðu LFÍ.

3.grein.

Tilgangur sjóðsins er að veita sjóðfélögum fjárhagslegan stuðning til forvarnar og vegna tekjutaps sökum ólaunaðrar fjarveru frá vinnu veikinda og slysa.

4. grein.

Sjóðurinn veitir sjóðsfélögum styrki og bætur samkvæmt nánari ákvæðum verklagsreglna stjórnar sjúkrasjóðs. Þar geta meðal annars verið:

• Sjúkradagpeningar
• Heilbrigðis- og forvarnastyrkir
• Líkamsræktarstyrkir
• Fæðingarstyrkir
• Örorkubætur
• Útfararstyrkir
  

Stjórn sjúkrasjóðs ákveður nánari skilyrði, fjárhæðir og framkvæmd í verklagsreglum.

5. grein.

Sjóðurinn getur stofnað til samninga við aðra sjúkrasjóði sem leiði til hagsbóta fyrir sjóðfélaga. 

a) Eignir sjóðsins: skulu ávaxtaðar samkvæmt fjárfestingarstefnu sem samþykkt er af stjórn sjúkrasjóðs og stjórn LFÍ.

b) Tekjur sjóðsins eru:

• Lögboðin eða samningsbundin iðgjöld atvinnurekenda til sjóðsins.
• Vaxtatekjur og annar arður.
• Gjafir, framlög og styrkir.
• Aðrar tekjur sem stjórn sjúkrasjóðsins kann að ákveða hverju sinni.

c) Ábyrgð stjórnar: Stjórn Sjóðsins skal ávallt gæta þess að sjóðurinn geti staðið við skuldbindingar sínar.

d) Ófyrirséðar aðstæður: Þegar farsóttir geisa getur sjóðstjórn leyst sjóðinn frá greiðsluskyldum sínum um stundarsakir. Einnig getur sjóðstjórn ákveðið að lækka um stundarsakir upphæð bóta ef afkomu sjóðsins virðist hætta búin.

e) Skipun stjórnar: Kjaranefnd LFÍ útnefnir einn meðlim kjaranefndar í stjórn sjúkrasjóðsins og einn skal kosinn í almennri bréflegri eða rafrænni kosningu fyrir aðalfund. Skipan í stjórn sjóðsins skal vera til 3 ára í senn. Auk þess er gjaldkeri LFÍ í stjórn sjóðsins. Framkvæmdastjóri LFÍ og/eða fulltrúi hans skulu sitja stjórnarfundi og eru þeir starfsmenn sjúkrasjóðsins. Stjórnarfundir skulu vera haldnir í janúar hvert ár og síðan eftir þörfum.

f) Umsýsla og þóknun: Framkvæmdastjóri LFÍ og/eða fulltrúi hans ber ábyrgð á daglegri umsýslu sjóðsins. Sjóðurinn greiðir allt að 7% af tekjum sínum til LFÍ vegna umsýslu og þóknunar.

g) Ársreikningur: Reikningar sjóðsins skulu lagðir áritaðir fyrir aðalfund. Endurskoðendur LFÍ eru jafnframt endurskoðendur sjóðsins. Reikningsár sjóðsins er það sama og LFÍ.

6.grein.

Gildistaka: Reglugerð þessi tekur gildi að loknu samþykki aðalfundar Lyfjafræðingafélags Íslands 26. mars 2026 og fellur þá jafnframt úr gildi eldri reglugerð sjúkrasjóðs LFÍ.

GILDISTAKA:

Reglugerð þessi var samþykkt á aukaaðalfundi Lyfjafræðingafélags Íslands, 18. maí 2015.

Breytingar á reglugerð skulu samþykktar á aðalfundum Lyfjafræðingafélags Íslands.

Reglugerð þessi tekur gildi 1. júlí 2015.

Breyting var gerð á reglugerðinni á aðalfundi Lyfjafræðingafélags Íslands, 22. mars 2017 þegar bætt var inn grein 4. Fæðingarstyrkur.

Breytingin tekur gildi 1. júlí 2017 og gildir um börn sem fædd eru eða ættleidd frá og með 1. janúar 2017.

Breyting gerð á 4. lið FÆÐINGARSTYRKUR á aðalfundi félagsins 14. mars 2018.

Breyting gerð á reglugerðinni á aðalfundi Lyfjafræðingafélags Íslands, 20. mars 2019, þegar 5. grein ÖNNUR ATRIÐI varð að 7. grein ÖNNUR ATRIÐI og bætt var inn greinum 5. GLERAUGNASTYRKUR og 6. LÍKAMSRÆKTARSTYRKUR . Breytingin tekur gildi 1. maí 2019.

Breyting gerð á 7. grein reglugerðarinnar e) lið á aukaaðalfundi Lyfjafræðingafélags Íslands 2. júní 2021

Breyting gerð á 3. grein reglugerðarinnar a) lið og 5. grein reglugerðarinnar sem verður HEILBRIGÐISSTYRKUR á aðalfundi Lyfjafræðingafélags Íslands 30. mars 2022

Breyting gerð á 5. grein, 6. grein og 7. grein reglugerðar f) lið á aðalfundi Lyfjafræðingafélags Íslands 20.mars 2024

Breyting gerð á inngangi, 3.grein, 4.grein, 5.grein, 6.grein, 7. grein, 8.grein og bætt við 9.grein reglugerðar á aðalfundi Lyfjafræðingafélags Íslands 31.mars 2025. Breytingin tekur gildi 1.júlí 2025 og þurfa kvittanir/atburðir að eiga sér stað eftir 1.júlí 2025 þar sem brottfall er á hóptryggingu félagsmanna. Eldri atburðir fylgja eldri reglugerð og um tvöfallt kerfi er að ræða tímabundið í ár á meðan sjóðurinn byggir upp tekjur til að greiða fyrir hækkaða styrki (samþykki á aðalfundi).

Breyting gerð á allri reglugerð á aðalfundi Lyfjafræðingafélags Íslands 26.mars 2026. Reglugerð var felld úr gildi og ný var samþykkt sem var einfölduð og stytt og bætt við vísun í verklagsreglur þar sem ákvæði um úthlutun styrkja flytjast í verklagsreglur stjórnar sjúkrasjóðs.