Tekin hefur verið ákvörðun í stjórn LFÍ að framvegis skuli upplýsingagjöf vera betri til meðlima félagsins. Sú upplýsingagjöf mun m.a. fela í sér að eftir hvern stjórnarfund verður skrifuð samantekt...

Samantekt fundar 25.05.2023

1. Kjarabaráttan á LSH
   LFÍ hefur tekið fastar á karamálum Lyfjafræðinga starfandi fyrir ríkið. Hingað til hafa kjaramál ríkis verið höfð utan við kjaranefnd LFÍ en því á að breyta. Formaður og Framkvæmdarstjóri LFÍ mun ásamt lyfjafræðingum á LSH, lögfræðingi og kjarafulltrúa LFÍ hitta Atla fulltrúa LSH á morgun á fyrsta fundi ársins varðandi uppfærslu á stofnanasamningi. Halldór lögfræðingur mun leiða fundinn fyrir hönd LFÍ. Mikil eftirvænting er hjá stjórn hvernig samningaviðræður munu ganga.  Framkvæmdastjóri sat fyrirlestur í dag þar sem Heimir, Elín og Þorbjörg lyfjafræðingar kynntu sín störf fyrir mannauðsstjóra LSH. Sú kynningin fór vel.
   
   
2. Starfshópur fyrir kjarasamninga SA og FA
   Til stendur að uppfæra kjarasamninga SA og FA fyrir lok árs og starfshópur hittist á mánudaginn 22 maí í fyrsta skipti. Fundur gekk vel. Samningar voru teknir fyrir og verkefni voru úthlutuð. Þessi undirbúningsvinna er komin vel á veg.
   
   
3. Trúnaðarmenn
   Trúnaðarmenn eru lykilstarfsmenn á vinnustöðum. Þeir eru mikilvæg tenging LFÍ við vinnumarkaðinn og nauðsynlegur bakhjarl fyrir félagsmenn.Til stendur að efla trúnaðarmenn okkar svo til þess að styðja enn frekar við kjarabaráttu lyfjafræðinga.
   

4. Bólusetningar í apótekum
   Fyrirspurnir hafa komið frá félagsmönnum varðandi bólusetningar í apótekum á Íslandi. Til stendur að taka saman efni fyrir lyfjafræðinga um stöðu mála og næstu skref.
   
   
5. Heimasíðan
   Framkvæmdastjóri og formaður vinna í stórum og smáum skrefum að uppfæra heimasíðuna svo vonandi verði hægt að nota hana fyrst og fremst til að nálgast upplýsingar fyrir lyfjafræðinga.

Meira var það ekki í bili.

Kveðja Stjórnin (Sigurbjörg, Íris, Þórunn, Þórður, Davíð, Bergdís og Barbora)