Þann 26.okt 2023 hittust lyfjafræðingar sem vinna hjá rikinu.

Fundurinn var vel sóttur og lyfjafræðigar frá Lyfjastofnun, Sjúkratryggingum Íslands, Háskóla Íslands og LSH voru mættir. LFÍ bauð upp á pítsu og drykki og tilgangur fundarins var að sjá hvernig LFÍ gæti stutt betur við bakið á lyfjafræðingum hjá Ríkinu. Framkvæmdarstjóri, formaður, varaformaður og ritari voru á fundinnum og leiddi formaður hittinginn. Góðar umræður sköpuðust og finna ríkislyfjafræðingar fyrir því að LFÍ þurfi að styðja betur við bakið á þeim í kjaramálum.

Meðal umræðuefna voru greiðsla vegna ferðalaga erlendis, þjálfun trúnaðarmanna og trúnaðarmenn almennt, stytting vinnuvikunnar, ráðstöfun á neysluhléi, starfsmenntunarsjóður og fastir yfirvinnutímar. Umræðurnar gagnast stjórn LFÍ vel til þess að átta sig á hvaða málum skuli forgangsraða.

Nú hefur stjórn LFÍ náð að hitta Apótekslyfjafræðinga og lyfjafræðinga hjá ríkínu og næst stendur til að hitta Lyfjafræðinga sem vinna í iðnaði eða annarsstaðar.